Сайн байна уу. Таны энэ өдрийн амгаланг эрье.

Манай байгууллагын цахим хуудсанд анхаарлаа хандуулсанд баярлалаа. Улаанбаатар төмөр замын Эрчим хүч ус хангамжийн байгууллага нь галт тэрэгний хөдөлгөөний түүхэн уламжлалын онцлог, Монгол улсын төмөр замын бодит нөхцөлөөс хамааран цахилгаан эрчим хүчний ба ус хангамжийн хоёр өөр төрлийн техник технологитой аж ахуйн хэсгүүдийг нэгтгэн бие даасан нэг байгууллага болон ажил үйлчилгээ явуулахад шаардлагатай бүхий л тусгай зөвшөөрлүүдийг эзэмшин, хуулийн хүрээнд үйл ажиллагаа явуулдаг. Өнөөдрийн байдлаар Монгол Улсын хойд хилийн 5-р километрээс 546-р км буюу Агуйт зөрлөг хүртэлх гол төмөр зам, Эрдэнэт, Багануур, Шарын голын салбар замын дагуу 4 аймаг, нийслэлийн нутаг дэвсгэрт байрласан төмөр замын үндсэн ба завсарын 52 өртөө зөрлөг, 34 замын хэсэг, хот, сум суурин газруудын 2425 үйлдвэр аж ахуйн нэгж, 12976 айл өрхийн хэрэглэгчийг цахилгаан эрчим хүч, унд ахуйн цэвэр усаар ханган, шаардлагатай засвар үйлчилгээг үзүүлэн ажиллаж байна. Байгууллагын бүтцийн хувьд шугам сүлжээний ашиглалтын 7 хэсэг, туслах засвар үйлчилгээний 4 цех, хэрэглэгчидэд үйлчлэх 1 төвөөр дамжуулан мэргэжлийн мэргэшсэн, чадварлаг багаар үйлчилгээ үзүүлдэг. Манай хамт олон хэрэглэгчдээ чиглэсэн үйлчилгээгээ сайжруулах ажлыг алхам алхамаар хэрэгжүүлж та бүхэндээ хүргэх үйлчилгээ, бүтээгдэхүүний чанарыг стандартын түвшинд байнга байлгах чиглэлд боломжтой бүхий л арга хэмжээг үе шаттайгаар зохион байгуулж байгаа бөгөөд биднийг дэмжин хамтран харилцан үр өгөөжтэйгээр ажиллана гэдэгт найдаж байна. Та бидний хамтын ажиллагаа улам батжиж, өлмий бат орших болтугай.
Сайн үйлс бүхэн дэлгэрэг.

Хүндэтгэсэн: Эрчим хүч, ус хангамжийн нэгдүгээр ангийн дарга Ө.Ууганжаргал