Цахилгаан лаборатори нь анх 1961 онд татах албаны харьяа Вагон лаборатори нэртэйгээр 3 хүний бүрэлдэхүүнтэй байгуулагджээ.
Ажиллах хүрээ нь дизель цахилгаан станцуудын генератор, шитны автоматуудад тохируулга хийж, тоолууруудад хяналт тавьж цахилгаан станц ба худгуудын газардуулга шалгах, цахилгаан станцын тоног төхөөрөмжүүдийг хэсэгчлэн солих засварлах зэрэг ажлуудыг хийдэг байжээ. Одоо тус лаборатори нь тоног төхөөрөмж болон ажиллах хүчний хувьд батжин хөгжиж ДХМЭХ-ний албаны Цахилгаан лаборатори нэртэйгээр нийт 11 хүний бүрэлдэхүүнтэй, шуурхай үйлчилгээ, вагон лаборатори, суурин лаборатори, тоолуурын лаборатори гэсэн хэсгүүдтэйгээр доорх үндсэн үйл ажиллагааг явуулж байна. Үүнд:
- ЭХУХ-I, II ангийн ус, цахилгаан хангамжийн найдвартай ажиллагаанд диспетчер инженерүүд хяналт тавьж, шуурхай удирдлагаар хангаж ажилладаг.
- ЦШС, дэд станцын газардуулах байгууламжийн эсэргүүцэл хэмжих, шалгах
- Дэд станцын тосон таслууруудын засвар, үйлчилгээ, реле хамгаалалтын тохируулгыг шалгах
- Хаалттай дэд станцуудын хөндийрүүлэгчийг өндөржүүлсэн хүчдлээр турших
- Кабель шугамын туршилт , шалгалт
- Цахилгааны хамгаалах хэрэгсэл багаж болох штанг, өндөр ба нам хүчдлийн хүчдэл заагчууд, бүх төрлийн резин бээлийнүүд, бот, галош, усны гутал, резин дэвсгэр, хормогч, губьц, отверток, дөрөө, бүс зэргийг өндөр хүчдэл болон механик туршилтаар баталгаажуулах, шалгах
- 0.4-35 кВ хүртэлх хүчдэлийн хэт хүчдлээс хамгаалах төхөөрөмжүүдийг өндөр хүчдэлээр туршин, засварлаж баталгаажуулдаг
- Төмөр замын бүх аж ахуй нэгжүүдийн цахилгаан тоноглолын газардуулах байгууламжийн эсэргүүцлийг шалгаж, засвар үйлчилгээнд нь хяналт тавина.
- Төмөр зам дээгүүр давж байгаа бүх төрлийн агаарын шугам болон төмөр замын эрчим хүчний харъяа бүх агаарын шугамууд өөр бусад агаарын шугамуудтай огтлолцох цэгүүдийн овор хэмжээг тодорхойлон тогтоодог
- Төмөр замын өртөө зөрлөгүүдийн парк, перроны гэрэлтүүлгийн гэрэлтэлтийг хэмжиж шалгадаг
- Трансформаторын тосны дээж авч хүчдэлийн даацыг тодорхойлдог
- Бүх төрлийн тоолууруудыг засварлаж, шалган СХЗТөвтэй хамтран баталгаажуулдаг