Амгалан хэсэг нь 1993 оны 5-р сарын 1-нээс бие дааж мастерын хэсэг болон 407-р км-ээс Баян зөрлөг хүртэлх нийт 5 өртөө зөрлөг, Зэлх, Хандгайтын зусланг хариуцан мастер, техник байцаагч, 7 монтёртойгоор нийт 9 хүнтэй ажиллаж эхэлсэн. Хэсэг байгуулагдахад мастераар Н.Алтанхуяг, техник-байцаагчаар М.Энхтуяа, монтёр-бригадын даргаар Б.Доржсүрэн, монтёроор Д.Түмэнбаяр, Ж.Жавхлан, А.Дондог, Л.Төмөрхуяг, О.Дэлгэрцэцэг, А.Анхбаяр нар ажиллаж байлаа.

Мастер Н.Алтанхуяг 1994 онд Улаанбаатар хэсэгт ажиллахаар болж мастераар Б.Доржсүрэн 1998 он хүртэл ажиллаад 1998 оны 08-р сарын 01-ээс ТЗДС-д сургуульд суралцах болж Амгалан хэсгийг Улаанбаатар хэсэгт нэгтгэснээр 2006 он хүртэл Улаанбаатар хэсэгт харьяалагдаж байлаа. 2006.01.02-оос Амгалан хэсэг дахин байгуулагдаж мастер-1, техник-байцаагч-1, монтёр-байцаагч-1, монтёр-4, нийт 7 хүний бүрэлдэхүүнтэйгээр 407-р км-ээс Хайрхан зөрлөг хүртэлх нийт 7 өртөө зөрлөг, Хандгайт, Зэлхийн зуслан, УС-15, Амгалангийн айл өрх, албан газрууд нийлээд нийт 1500-аад хэрэглэгчидийг цахилгаан эрчим хүчээр ханган ажилалж байна.

Амгалан хэсэг нь 6-10кВ-ын агаарын шугам-107800м, 0.4кВ-ын агаарын 7480м, 6-10кВ-ын кабель шугам 8645м, 0.4кВ-ын кабель шугам 12410м, РП-1, ТП-6, КТП-16, КТПН-1-д үзлэг үзлэг үйлчилгээ засвар хийн ажиллаж байна.

Манай хэсэг төмөр замын байгууллага 60, гадны байгууллага 100, ахуйн 1340 гаруй айл өрх, албан газруудыг цахилгаан эрчим хүчээр ханган сардаа 413000-620400 мян.кВт/цаг эрчим хүч буюу 23-30 сая төгрөгийн борлуулалт хийдэг.

Манай хамт олны дундаас М.Энхтуяа, О.Дэлгэрцэцэг, Б.Доржсүрэн, Д.Мөнхбат нарын инженерүүд төрөн гарсан.