Дархан дахь Төмөр замын шугам сүлжээний хэсэг нь 1951 онд цахилгаан станц нэртэйгээр ЗХУ-д үйлдвэрлэсэн 75 морины хүчтэй 2ш Локомовил тавьж Зүүнхараагийн татах хэсгийн харъяа ажиллаж эхэлснээр анхны суурь нь тавигдсан байна.

Цаашид 1956 онд уурын хөдөлгүүрийг сольж 2ш ЖЭС-60 дизель цахилгаан станцыг суурилуулан тавьж ажилласан ба төмөр замын ажлын цар хүрээ улам өргөжин оршин суугч, суурингууд нэмэгдэж байсан тул уг дизель станцын хүчин чадал хүрэлцэхгүй болж 1958 онд КДМ-46 маркийн 2ш дизель станцыг шинээр нэмж тавьсан байна. Энэ үед цахилгаан станцын даргаар Филенеков ВП, монтёр Шагж, Ёндонжунай гэрлийн байцаагч Исасева нарын хүмүүс ажиллаж байсан байна.

1960-аад оноос эхлэн Дархан хот Шарын голын уурхай болон том том үйлдвэрийн газруудын суурь тавигдаж эхэлснээр цахилгаан эрчим хүчний хэрэгцээ улам өсөн нэмэгдэж Улаанбаатар хот Дарханы 110кВ-ын өндөр хүчдлийн шугам баригдаж мөн 1964 онд Дарханы ТЭЦ ашиглалтанд орсноор эрчим хүчний системтэй холбогдож дизель станцыг бүрэн зогсоож олон жилийн нөр их хөдөлмөрөөс бүрэн чөлөөлөгдсөн байна.

Цахилгаан шугам сүлжээнд холбогдсоноор цахилгаан дамжуулах 6-10кВ-ын болон 0.4кВ-ын агаарын шугамыг олон арван км-ээр нэмэн барьж өртөө зөрлөгүүдийг цахилгаан шугам сүлжээнд холбох ажил эхэлж Дархан-2, Энхтал зөрлөгүүдийг эрчим хүчний системтэй холбосон байна.

Өнөөдрийн байдлаар Дархан ЭЧС нь 6,10кВ хүчдлийн ЦДАШ-ын урт 205,8км, 0.4кВ хүчдлийн ЦДАШ 41,6км, 6,10кВ кабель шугамын 5км, 0.4кВ кабель шугамын урт 8км, хаалттай дэд станц 8ш, ил хувиарлах байгууламж 26ш, ус шахуургын 8 станц, худагт үзлэг, засвар үйлчилгээ хийн ажиллаж байна