Гэр хорооллын иргэдийн цахилгаан халаагуур хэрэглэхийг дэмжиж агаарын бохирдлыг бууруулах зорилгоор Эрчим хүчний зохицуулах хорооноос өдөр, шөнийн тарифт тоолууртай гэр хорооллын айл өрхүүдийн цахилгааны шөнийн тарифыг 50 хувиар хөнгөлөх шийдвэрийг гаргалаа. Цахилгааны үнийн хөнгөлөлтөд Төвийн бүсийн нэгдсэн сүлжээний 15 аймгийн 250 мянга гаруй айл өрх хамрагдах ба эдгээр өрхүүдийн энэ арваннэгдүгээр сарын 1-ээс ирэх гуравдугаар сарын 31-ийг дуусталх оройн 21 цагаас өглөөний 6 цагийн хооронд хэрэглэсэн цахилгаан эрчим хүчний үнийг 50 хувиар хөнгөлж тооцно. Өөрөөр хэлбэл 77.10 төгрөгөөр тооцдог байсан шөнийн 1кВт.ц цахилгаан эрчим хүчийг 38.55 төгрөгөөр тооцох юм.

---o0o---